Long Life? Pansit Palabok na! :)

Ang aking paboritong pagkain ay ang Pansit Malabon. Kadalasan tinatawag din itong Pansit Palabok. Madalas ang putaheng ito ay ipinanghahanda sa mga malalaking handaan. Katulad na lamang ng kaarawan, tuwing Pasko, at iba pa. Maraming klase ng luto ang pwedeng gawin dito. Pwedeng gamitan ng bihon na may manipis na hibla ng pansit o ang malabon na may kakapalan ang hibla ng pansit. Ngunit para sa akin ay mas masarap ang Pansit Malabon na may palabok sauce na sinasamahan sa ibabaw ng pansit. Lalo na kung ito ay may mga sangkap katulad na lamang ng mga maliliit na hipon, pusit na hiniwa sa maliliit at hugis pabilog, chicharong baboy na dinurog, kasabay ng nilagang itlog na hiniwa sa manipis at iba pang mga gulay na isinasahog ditto, samahan mo pa ng katas ng kalamansi. Hindi masyadong masabaw, katamtaman lang na tama sa panlasa. Pagkatapos ay haluin ito ng mabuti at saka kainin.

Madalas sa mga okasyon ay hindi ko namamalayan na napaparami na pala ang kain ko nito. Sa sobrang kasarapan ay nilalasap ko ang bawat subo at pagkagat dito. May mga panahon din na hinahanap-hanap ko ang pagkaing ito. Paminsan ay naghahanap pa mismo ako ng mabibilhan nito. Ang Pansit Malabon ay madalas na naka-bilao para ipanghanda sa mga napapanahong okasyon.

Ang pinakamasarap na palabok na aking natikman na naglalaman ng mga sangkap na aking nasabi ay ang palabok na nabibili sa Ninang’s or ng mismong restawran na Pansit Malabon. Di malilimutan ang aking karanasan sa paglasap ng bawat kagat. Alam niyo bang kaya madalas itong ipinanghahanda sa mga may kaarawan ay may kasabihan na ang pansit ay nakakahaba ng ating buhay. Ito ay ayon lamang sa mga kasabihan ng mga matatanda. Hindi ko lamang sigurado kung napatunayan na itong totoo. Kaya kung ako sa inyo ay subukan niyo na din tikman ang aking napapaboritong pagkain. Natitiyak ko na hindi kayo magsisisi. =)




- Denise Louise Bersamina