Dinuguan, Delisyoso!

“DINUGUAN! Tikman muna, bago husgahan”.

     

Noong ako’y nasa batang gulang pa lamang, hindi ko masyadong hilig ang pagkain ng dinuguan dahil lamang sa anyo nito. Puro taba at higit sa lahat, ang kulay nito ay kulay itim. Pero sa paglipas ng panahon, natututo ko nang pagkahiligan ang pagkain nito. Dahil sa lagi itong iniluluto ng aking lola at noong aking matikman ang napakasarap na dinuguan sa Goldilock’s. At simula noon ay ipinasok ko na sa isip ko na, tikman muna ang pagkain, bago ayawan ito.

Ang dinuguan ay isang putaheng lutong- bahay lamang, kaya ito ay napakadaling iluto. Ang mga sangkap nito ay maliliit na hiwa ng baboy at atay, siling haba, suka, bawang, sibuyas at higit sa lahat ay ang dugo ng baboy. Maaari rin kayong magdagdag ng sangkap na naaayon sa inyong panlasa. At nalaman ko rin na mayroong binebenta sa Goldilocks’ ng isang paketeng dinuguan. Pwede na iyon kung kayo ay tinatamad magluto ng matagal. Kung sobra talaga kayong tinatamad na mag-init at naisipan niyo na lang kumain sa labas, subukan ninyo ang pagkain ng dinuguan sa Goldilocks’ mismo. Ang presyo doon ay P49.00 lamang, kalahating order ng dinuguan, huwag ka sapagkat may kasama na itong kanin! Kung gusto mo naman ng maramihan, naghahalaga itong lagpas isang daan, sapagkat mayroon na itong puto at inumin. Masarap talaga, kaya kung ako sa inyo, subukan niyo nang tikman!

Ang pagkaing ito ay hindi lamang masarap, ito rin ay nagbibigay sustansya sa ating katawan. Tulad na lamang ng Protein, Vitamin C, Iron, Calcium at iba pa. Kaya huwag nang matakot kumain nito dahil ito’y isang pagkaing Pilipino na nararapat nating ipagmalaki. Tandaan: Huwag huhusgahan ang labas na anyo kundi kilatasin muna ito.

  -- Juinio, Megan Ivy