TSOKOLATE!

Ang Tsokolate o sikulate ay isa sa aking paboritong pagkain. Sapagkat sa bawat kagat sa matamis nitong lasa ay nakapagbibigay ito ng kasiyahan at gaan ng loob.

Ang tsokolate ay naging parte na nang buhay ko simula nang ako’y bata pa. Ito ang nakakapagbibigay ng ngiti sa bawat lungkot na ating nadarama, Nakakapagbusog sa ating gutom o sa iba naman ay sa pagkain nito ay maituturing itong kasiyahan o hilig.

Ang tsokolate ay importante sapagkat ito’y nakikita sa mga pagdiriwang tulad ng kaarawan, “halloween”, at lalo na sa araw ng mga puso.

Ang tsokolate ay karaniwang sangkap sa mga iba’t ibang klaseng pagkain o inumin tulad ng keyk, gatas, kendi, batirol, tinapay, sorbetes at sa mga iba’t ibang klase ng minatamis.

Ang tsokolate ay nagmula sa puno ng kakaw na pinroseso sa iba’t ibang paraan upang ito’y ating makain.

 Ito ay isa sa mga sikat na lasa o flavor sa buong mundo lalo na sa ating bansa.  Ito ay mayroong iba’t ibang uri o klase tulad ng white o dark chocolate.

Ito ay hindi mahirap hanapin dahil ang tsokolate ay mahahanap sa halos lahat ng klaseng tindahan o pamilihan tulad ng mall, maliliit na tindahan, at sa mga factory o pagawaan nito.

Ang presyo nito ay depende sa kanyang pagkagawa o klase ng produkto.  Maari itong napakamura na kakayanin ng bulsa o napakamahal tulad ng mga tsokolateng gawa pa sa ibang bansa. Ang tsokolate ay naglalaman ng mga iba’t ibang substansiya na nakakapagpalusog sa ating katawan tulad lamang ng flavonoid at anti-oxidents at ito’y naglalaman din ng mga substansiya na nagsisilbing anti-depressant na ang gawain nito ay alisin ang stress o lungkot na ating nadarama.

 Sa kabila ng mga magagandang epekto at masarap na lasa nito ay siguraduhin na kumain lamang ng tama o moderasyon lamang ang pagkain nito. Sapagkat ito ay naglalaman ng madaming asukal na maaring magdulot ng komplikasyon sa ating katawan at huwag kakalimutang mag-sipilyo pagkatapos kumain nito.

 At sa kasiguraduhan ay hindi lamang ako ang may hilig sa mga tsokolate sapagkat babae man o lalake ay kinagigiliwan nito ang matamis nitong lasa at mga epektong ibinibigay sa bawat kagat.

Consuelo Angeline D. Mallari 1T4