Swerte ako sa Lucky Me!

Noong isinilang ako sa mundong ito, mayroon na ang Lucky Me! Pagkatapos ng unang tikim, ito na ang ipinipilit ko sa aking ama at ina na iluto noong aking kabataan. Ngayong malaki na ako, ang nanay at tatay ko na nagpapaluto sa akin, dahil marunong na ako gumamit ng apoy.

Sino ba ang hindi marunong magluto ng Lucky Me? Bubuksan mo lamang pakete, magpapainit ka ng tubig, ilalagay ang noodles sa tubig na iyon tapos pagkatapos maluto, tanggalin ang tubig at ihalo na mga sangkap na mahahanap kasama sa pakete.

Huwag niyo sabihin na ni minsan, hindi kayo nakatikim nito.

Madaming pwede pagpilian sa Lucky Me! Meron ang Beef na Beef, Chicken na Chicken, Chicken and Egg (Itnok) Paboritong Itnok! Paboritong Noodles!, Native Chicken, Spicy Hot Beef, N-Rich with Mallungay, Sotanghon Lite, La Paz Batchoy, Bulalo, Lucky Me! Seafood, Lomi, Sopas, Pancit Bihon, Curly Spaghetti, Baked Mac, Mac and Cheez, Supreme La Paz Batchoy, Bulalo, Pinoy Chicken, Special Beef, Sotanghon Lite, Lucky Me! Supreme Seafood at pati na ang Jjamppong.

Ngunit, walang katapat ang Pancit Canton. Mayroong Original, Kalamansi, madami din may hilig sa Chili-Mansi o baka kiliti niyo ay ang Extra Hot at meron din ang Sweet & Spicy.

Kapag narinig mo ang salitang “Lucky Me!” o “Pancit Canton”, mahuhula ko na may mga alaala na dumadaan sa mga isip niyo kung saan nakakain kayo ng pagkain na ito. Kasama ang kaibigan, katabi ang pamilya o mag isa man. Naging parte na ng buhay natin na makita ang logong mapula na nagsasabi ng Lucky Me!

Ano pa ba ang masasabi ko?

Walang masabi kundi, Lucky Me!


Ang dagdag na impormasyon: Alam niyo ba noong 1994, nagsama ang Lucky Me corporation sa DOH dahil natanto nila gumawa ng masmasustansyang mga pagkain? Sa nangyari, nalagyan ng bitamina sa mga benta nila. Ginawa nila ito upang maiwasan na ang malnutrisyon at pagkagutom sa Pilipinas.


Naglagay naman sila ng Sangkap Pinoy Seal upang ilahad sa lahat mayroong bitamina A/ Iron ang mga sangkap na ito. Pati na rin ang NAPA na nagsasaad ng No Artificial Preservatives Added.


Nagkakaroon ang Lucky Me ng mga Kainang Pamilya Mahalaga at National FaMEALy Day - Araw ng Pagkilala na ang Kainang Pamilya ay Mahalaga upang ihatid na ang kumain kasama ang pamilya ay madali ngunit epektibong paraan maging masaya, malusog at matagumpay ang mga anak.


- melissa uy