DINUGUAN

MADUGONG KATOTOHANAN

Noong bata ako , napakapihikan ko sa pagpili ng pagkain. Madalas ay hindi ko kinakain ang mga gulay at ang mga pagkaing may di kaaya-ayang amoy o anyo. Ngunit lahat ng yan ay nagbago nang isang araw, sa di malaman na kadahilanan, ay dumampi sa aking bibig ang pagkaing sobra kong pinandidirihan, na ni minsan ay di sumanib sa utak kong magiging paboritong pagkain ko pala. – ang dinuguan.

Literal na madugo ang dinuguan. gawa ang sabaw nito sa dugo ng baboy na sinala, pinakuluan hanggang magkulay itim , nilagyan ng suka, siling labuyo , bawang at iba’t ibang pampalasa na nagbibigay dito ng maasim asim na  tamang tamang timpla. Ang laman naman nito ay ang karne ng baboy.  Kung panonoorin mo ang proseso ng pagluto nito at kung pagbabasehan mo ang panlabas nitong anyo, marahil ay mandidiri ka at mawawalan ka ng ganang kainin ito. NGUNIT! Sa sandaling dumampi rin ito sa iyong bibig, paniguradong mapapa MUKHASIM ka sa sarap! Lalo pa kapag sinamahan mo ito ng putong puti! Hinding hindi mo ito pagsisisihan! Sabi nga nila, "Don't judge a book by it's cover". Hindi rin kinakailangan ng malaking halaga upang makapagluto nito. ang lahat ng sangkap ay mabibili sa palengke. Kung hindi ka nman marunong magluto, tinatamad ka magluto, o di kaya’y wala kang kakilalang marunong magluto, ngunit nais mo parin maranasan ang kasarapan ng dinuguan, aba’y hindi problema yan! maaari mong mabili ang dinuguan sa mga lutong bahay na kainan ,o kahit mga karinderia lang sa tabi-tabi. Mayroon ding mga komersyal na restawran dito sa pilipinas na nagbebenta nito tulad ng Godlilocks, Red Ribbon, Razon’s, Kanin club, at marami pang iba. Kailan lamang ay naglabas narin ang 7-11 ng siopao na dinuguan ang palaman! Kahit mayaman sa kolesterol, may sustansya ring taglay ang dinuguan. Makakakuha ka rito ng “phosphorus” ,”selenium”, at “thiamin” na nagpapasigla at pumoprotekta sa mga “cell” ng ating katawan na nagreresulta sa mas malakas na resistensya.

                  Ipinagmamalaki ng mga Pilipino ang dinuguan, nakakalungkot lamang dahil marami ang ‘di pa ito natitikman sapagkat ito’y exotic, pampa-hayblad at ipinagbabawal sa kanilang relihiyon. Sa kabila ng lahat ng ito, Isang bagay ang aking napatunayan at mapapatunayan sakanila, sadya ngang MASARAP ANG BAWAL. :)


-SANCHEZ, KORINE ELYSSE V,